ساعات ...

 

 

غصبن عنى بقيت قاسية وجامدة

وببص لنفسى وبقول بتعملى كده ليه ؟

والاجابة وانا ايه الى وصلنى لكده غير ناس مسألتش نفسها نفس السؤال

مبقاش فى قلبى نفس البراح

ومبقاش عندى نفس التسامح الى كان موجود انى استحمل كزا مرة وفى الاخر اقول

 

بقت الغلطة عندى بفورة

 

بقيت أنا الى هم عملوها ..

ومش زعلانة أنى بقيت كده

كان طبيعى انى اكون كده

 

وكان طبيعى انى ادى ضهرى لحجات حتى لو كنت بحبها

مش هتنفع

 

وكان طبيعى انى اوقع ناس من اجندتى

كان طبيعى حجات كتير

 

الى عرفته ان مفيش اسهل من القسية ..الحنية هى الى صعبة

مفيش اسهل من انك توقع ناس من حياتك ..تحافظ عليهم ده الى صعب

ان محدش بيفضل وكله مفارق

فارق بمزاجك بدل ما تفارق غصب عنك

 

الخلاصة متفضلش غير مع الى استحملك وشالك وسندك

وده بيبقى بمواقف كتير اوى

 

والطيبين لما بيقلبوا بيكونوا كائنات مش لطيفة بالمرة

حاسب على الى فاضلك عند اى حد

ممكن بسهولة اوى يمل

 

ويمشى

 

ودول لما بيمشوا بيدوا ضهرهم لاى حاجة

حتى لنفسهم

 

فيهم حزء بيبقى كاره ضعفهم واستسلامهم لاشخاص بعينهم فاهمة ان تعلقهم بيهم ضعف

مش

حب

 

واحتوائهم ليهم غصب عنهم

ومش

بمزاجهم

 

وانهم كده كده موجودين

وهيستحملوا

 

الناس دى لما بتوصل لمرحلة الصفر

بتبقى ديناصورات فى القسوة والجبروت

 

وبراحهم بيضيق ويختفى

 

وبيرضوا بالى ضاع فيهم مقابل انهم يعيشوا لنفسهم

 

ولو حتى مرة

 

الانانية ساعات بتبقى احسن

الناس دى لما بتسال نفسها سؤال
ليه انا راضى ومستحمل ؟
او أنا فين من الى قدامه ؟
او اتفهم انه ضعيف ؟

بتقلب الترابيزة ومبيكونش عندها أدنى مشكلة انها تطلع
ظالمة
ووحشة
وانانية

ولو حتى مرة واحدة بيعتبروه حقهم فى الحياة
وبيكرهوا مثاليتهم وصبرهم
وبيقل اوى الى بيدوه وممكن يختفى
بيبنى نفسه من تانى
صدمته بتقويه

ولما بيقفل الباب
بيهد الحيطة كلها وراه

خليك أنانى وحب نفسك
لو محدش عارف يحبك صح
او زى ما انت تستاهل

ادى ضهرك وامشى
واتونس بيك
احسن ما تتجرح بيهم

وتخسر نفسك كمان